Driftsavtale som fysioterapeut i Vinje kommune
Vinje kommune har ledig 100% kommunalt fast driftsavtale for fysioterapeut frå 01.08.2024.
Driftsavtala
er knytt til kommunens lokalar ved fysioterapien i Åmot og på Edland.
Det er totalt tre privatpraktiserande fysioterapeutar i kommunen. I tillegg er det tre kommunale fysioterapeutar og to ergoterapeutar. Det er faste treffpunkt med internundervisning med alle terapeutane i kommunen.
Arbeidsoppgåver
- Undersøking, vurdering og behandling
- Behandling og oppfylging både individuelt og i grupper
- Bidra til kvalitetsutvikling av tenesta i tråd med politiske føringar og kommunens framtidige behov
- Fylgje prioriteringsnykjelen og samarbeide med øvrige fysioterapeutar om fordeling av pasientar
- Delta på aktuelle samarbeidsmøte og fellesmøte i regi av Vinje kommune
- Det er forventa at fysioterapeuten fylgjer pasienten på dei arenaer som er naudsynt for god og heilskapleg oppfylging.
- Iht. ASA 4313 kan inntil 20 % av avtaletida påleggast å bli brukt på prioriterte pasientgrupper og heimebehandling der det er behov.
Me legg vekt på fylgjande kvalifikasjonar:
- Norsk autorisasjon som fysioterapeut
- Det er ynskjeleg med erfaring innan kunnskapsbasert vurdering, aktiv habilitering og rehabilitering og /eller brei fagleg kompetanse
- Det er ynskjeleg med erfaring frå å leie grupper
- God framstillingsevne i norsk -både skriftleg og munnleg
- Det er krav om politiattest (ikkje eldre enn 3 månader).
Personlege eigenskapar:
- Du har evne til å prioritere arbeidsoppgåver for å sikre god flyt i tenesta
- Du er ein lagspiller og har gode samarbeidsevner
- Du er løysingsorientert og liker utfordringar
- Du har evne til å jobbe sjølvstendig
- Du er fleksibel og omstillingsdyktig
- Du har god relasjonskompetanse
- Du har fagleg engasjement og evne til å bidra i fagleg utvikling
- Du er raus, har humor og bidrar til eit godt arbeidsmiljø
Personlege eigenskapar vil bli vektlagt
Me kan tilby:
- Særs gode kollegaer
- Eit arbeidsmiljø prega av høg kompetanse, fagleg trygge og dyktige arbeidskollegaer
- Lokalar med eigna treningsutstyr
- God pasienttilgang
- Barnehage/skule i moderne nybygg med tilbod om mat i skuletida
- Gratis SFO 1.-3. klasse
Anna:
- Tildeling og overdraging vil skje i hht ASA 4313.
- Fysioterapeuten vi søkjer skal drive sin praksis i hendhold til helse- og omsorgstenestelova, relevante forskrifter og avtaleverk for fysioterapeutar (ASA 4303 og 4313) og planar for kommunalområdet helse- og meistring.
I samsvar med offentleglova § 25 kan namn på søkjarane offentleggjerast.
For nærare opplysningar om stillinga- ta kontakt med avdelingsleiar i fysio- og ergoterapitenesta, Elisabet S. Haagensen tlf 95758582
Søknad vert å sende på elektronisk skjema, sjå Vinje kommune sine heimesider.